O proxecto Contos Solidarios nace no ano 2000 da mán da ONGD chantadina Bicis pola Paz, sendo monitorizado polo colectivo de educación ambiental Papaventos e financiado pola convocatoria de sensibilización de Cooperación Galega (Xunta de Galicia). Contos Solidarios percorreu máis cincocentas escolas e visitou a máis de 60.000 nenas e nenos co obxectivo de sensibilizar e concienciar as/os alumnas/os sobre a necesidade dun compromiso solidario coa xustiza e a liberdade, empregando como ferramente lúdico-pedagóxica o conto, a poesía, o humor, a mímica….. Contos Solidarios abre esta páxina web para achegar os contos e o traballo de Bicis pola Paz e Papaventos a todas/os que queirades coñecelo, e para que colaboredes con esta iniciativa que reivindica outro mundo posible a través dun universo paralelo formado polos contos solidarios, no que nos poidamos refuxiar para construir un mundo real de xustiza e liberdade.  BICIS POLA PAZ  Bicis pola Paz é unha ongd que nace en Chantada (Galiza) no ano 1.990. O obxectivo de Bicis pola Paz é fomentar o eco-transporte nos proxectos de desenvolvemento, Bicis pola Paz doa bicicletas a mestres, médicos, promotores de saude, veterinarios…. en máis de vinte paises de América Latina, Asía e África, así como a inmigrantes no estado español. Gracias a unha bici un médico pode chegar a tempo a un parto para salvar a vida duna persoa, un mestre pode atender máis escolas ou un inmigrante atopar e desprazarse a un traballo digno. Bicis pola Paz doa as bicicletas en base a demanda das comunidades locais e en colaboración con elas, adquirindo as bicis nos mesmos lugares de desenvolvemento dos proxectos co fin de fortalecer o tecido comercial local. Bicis pola Paz financia estas doazóns cos fondos recadados polo proxecto "Contos Solidarios" así coma cos fondos económicos aportados por colaboradores, institucións, fundacións…  PAPAVENTOS EDUCACIÓN AMBIENTAL  Papaventos nace en Garabelos, nunha aldea do interior de Lugo en 1.989, co fin de desenvolver un proxecto de animación medioambiental e cultural. Papaventos desenvolve actividades lúdico-pedagóxicas en centros escolares de douscentos concellos de Galiza, Asturias, O Bierzo e Portugal . Papaventos emprega o conto, o xogo, a música, a mímica… como ferramenta educativa co fin de facer atractivas as suas propostas pedagóxicas, dispón tamén dunha eco-biblioteca itinerante que percorre centros escolares e que non verán instálase en praias e piscinas co fin de promover o achegamento a bibliografía eco-solidaria como parte dunha sociedade mais comprometida co entorno. Papaventos ten recibido o Premio de Educación Ambiental en Galicia 1.990, o Premio a Mellora da Calidade de Vida Agronatura 1991 e o Premo Laranxa da Escola de Montefurado. Papaventos reivindica diante da sociedade un compromiso para o desenvolvemento de proxectos continuados de concienciación e sensibilización como único motor para unha sociedade con maíor respecto o seu entorno, con maior futuro ambiental, con máis xustiza.