quen somos contos cineteca enlaces galer’a de fotos contacta con n—s
 
quen somos
contos
cineteca
enlaces
galeria de fotos
contacta
prensa
 
o pescador dos contos
 
 
ciclobiblioteca
 
2teixos
 
a web d@s nen@s
 
decalogo
 
cantos solidarios
 
Bestiario da fraga dos contos solidarios
 
 
:: quen somos

Contos Solidarios é un proxecto cultural, medioambiental e de solidariedade promovido polo contacontos galego Anxo Moure, que dende o ano 1989 percorre as terras de Galiza, Asturias, Portugal, O Bierzo..., contando historias solidarias coa terra e coas persoas que a habitan.

Contos Solidarios defende o conto como ferramenta educativa, de sensibilización e loita para construír un mundo en harmonía co ecosistema e garante da xustiza social.

Contos Solidarios leva xa máis de 6.600 sesións de contacontos en perto de 1.200 centros escolares, bibliotecas, e tamén en espazos abertos como bosques, parques, prazas, ríos... superando xa os 300.000 participantes, dende nenas e nenos de 0 a 3 anos ata os nenos maiores de ata 100 anos.

Contos Solidarios transforma o conto en bosque coa plantación de miles de árbores autóctonas ao longo destes anos e transforma o conto en solidariedade coa entrega de bicicletas e material escolar en proxectos de cooperación en máis de 30 países de America Latina, Asia e Africa.

Contos Solidarios é unha proposta aberta a todas e todos os que queirades participar a través dun feixe de actividades diversas, dende achegarvos a escoitar un contiño enriba dunha árbore dentro dos Contos na Casa das Árbores, coñecer aos carballos que nacen dentro de botas vellas para transformarse en contos que lle dean vida ao bosque dentro das historias do Carballo con Botas, ata convidar á Ciclobiblioteca á vosa escola, vila, pobo ou mesmo á vosa casa para que roden contos e cantos e se espallen en liberdade.

Convidámosvos pois a que entredes no mundo dos Contos Solidarios.


 O PESCADOR DE CONTOS 

É tempada de pesca, imos pescar contos. Pepe “Barbo”, o pescador e barqueiro do Miño vainos ensinar. Arrastrando o seu batuxo camiña polas rúas, polas chairas e as montañas para convidarvos a que subades a súa barca e para aprender a pescar. Trátase de contos que escapan do lixo no río, da contaminación das fervenzas, da seca das lagoas. Contos de xacias e homes-peixe, de lavandeiras e barbos, e troitas, e lampreas

E que imos facer con eles? Pois cociñalos, para que alimenten a nosa imaxinación e a través das nosas palabras poidan volver nadar nos ríos, nas lagoas e bañarse nas fervenzas.



 A TITIRICLETA 

Un novo proxecto está a piques de partir. Un triciclo alemán, agasallo dunha mamá do colexio de Cartelle, con dous teatriños de títeres construídos polo carpinteiro Fernando Ibarra e cargado con monicreques tecidos polas cooperativas de mulleres do comercio xusto en Bangladesh, busca tripulantes viaxeiros para introducirnos no mundo dos Contos Solidarios.

Queres pedalear connosco?
Invitámoste.







 CONTOS NA CASA DAS ÁRBORES 

Pasade, pasade, estades xa en Garabelos, unha pequena alea a sombra das montañas da Serra do Faro, e non moi lonxe do río Miño. Enriba dun castiñeiro e un carballo erguese a Casa das Árbores, un proxecto de animación cultural, unha escola aberta a natureza, un auditorio entre as follas, un centro de educación ambiental, unha biblioteca forestal e sobre todo un lugar de lecer onde escoitar uns contos que viven nas árbores, coñecer a Graciano Zoqueiro, trasniño Gaiteiro, que anda na procura da música das árbores e a quen vós podedes axudar.

Esperámosvos, E non vos esquezades de traer a merenda para desfrutala enriba das árbores mentres ledes un libriño!

 CONTOS DA CICLOBIBLIOTECA  

Un día os contos decidiron subirse a unha bicicleta, cargados nun ciclocarro construído en Dinamarca, os libros percorren rúas, bosques, praias, prazas, para engaiolar a grandes e pequenos, para reivindicar a lectura e a escoita como ferramenta cultural e para descontaminar o mundo cunhas simples pedaladas culturais. Son libros de todos os tempos, dende as guías de campo de Felix Rodríguez de la Fuente, os cadernos mariños de Cousteau, guías de campo, as historias do Home que Plantaba Árbores, ou do Barón Rampante e os da propia ciclobiblioteca como O Carballo con Botas As Árbores da Paz, a Xacia Luviñas ou Plantarse.
Anímate a pedalear entre poesías, contos, historias, ilustracións, fotografías. Ponlle rodas a túa imaxinación.

 CONTOS DO CARBALLO CON BOTAS 

Un día dentro dunha bota vella que fuxira dunha guerra naceu un carballo, camiñante e soñador, percorreu tantos lugares, coñeceu a tanta xente, que se transformou en contador de historias solidarias. Son historias que defenden os bosques de carballos, teixos e bidueiras, mais tamén historias interpretadas con monicreques tecidos dentro do comercio xusto en Bangladesh, a India, Guatemala... e que se soben a un vello PAZtinete para conducirnos ata mundos refuxiados de nenas e nenos bolivianos e saharauís, peruanos, indios, tailandeses... que esperan nun recuncho a esperanza de ser eles tamén carballos con botas en liberdade.

.

 
AGRADECEMENTOS:
Agradecemos ás seguintes persoas que fixeran posible o proxecto Contos Solidarios:

Cristina Ouro (debuxos)
Xavier Viana (contacontos e paiaso triplicado)
Amelia Ledo (contacontos)
Paula Carballeira (mestra contadora de historias)
Ismael López (Ilustrador)
Paqui Abeledo (Ilustradora)
Irene Contreras (Ilustradora)
Tino Varela (Ilustrador)
Margana (Ilustradora das Ciclobibliotecas)
Mercedes Vázquez e “Máis Libros”
Servando Barreiro e Touporroutou (Músicos)
Gabriela (Ciclobibliotecaria)
 
Contos Solidarios - Avda. de Portugal 16 27500 Chantada, Lugo - carballoconbotas@hotmail.com
novodesenho
facebook twitter A Casa EnChantada